Poslovne vesti - Makedonija

Измени во Законот за градење

Владата предложи измени на Законот за градење со кои се предвидува намалување на можноста за користење нелегално експлоатирање на градежен материјал.

Се пропишува обврска за изведувачот да обезбеди докази за песокот, чакалот и градежно-техничкиот камен кој го користи при изградбата и на тој начин да се спречи употребата на нелегално ископани песок, чакал и градежно-технички камен.

Согласно измените во законот, при градењето надлежниот инспектор треба да утврди дали изведувачот обезбедил докази за потекло на градежно-техничкиот камен, градежниот песок и чакал, а доколку констатира дека истите не се обезбедени, за тоа да го извести надлежниот орган кој го издал одобрението за градење како и Државниот инспекторат за техничка инспекција.

За прекршување на овие одредби со законот се предвидени глоби во износ од 15.000 до 17.000 евра за правни лица - изведувачи. Глоба во износ од 9.000 до 11.000 евра е предвидена и за одговорното лице во правното лице, додека глоба во износ од 7000 до 9.000 евра ќе му се изрече за прекршок на инженер за изведба ако при изведување на градби не обезбеди докази за потекло на градежно-техничкиот камен, градежниот песок и чакал.